Constrúindo un Lalín novo
Innovando xuntos cara a un futuro sostible
Axenda Urbana
A Axenda Urbana de Lalín é a nosa folla de ruta cara un futuro máis sustentable, equitativo, próspero e innovador. Una guía para impulsar o desenvolvemento de Lalín e a calidade de vida dos seus habitantes, co horizonte posto no ano 2030.
O marco da Axenda Urbana Española
O Concello impulsa a elaboración da Axenda Urbana de Lalín, no marco da Axenda Urbana Española, como proxecto piloto do Ministerio de Transportes, Mobilidade e Axenda Urbana, co obxectivo de converter ao noso concello nun referente para outros municipios de características similares en todo o país.
A Axenda Urbana Española é a referencia que inspira as accións a desenvolver, para que sexan coherentes e sustentables, de acordo cos criterios establecidos na Axenda 2030 de Desenvolvemento Sustentable, na Nova Axenda Urbana de Nacións Unidas e na Axenda Urbana para a Unión Europea.
Unha visión compartida
Para construír o futuro de Lalín que todas e todos queremos, é fundamental a colaboración e implicación da cidadanía. Para iso, habilitamos unha canle de contacto constante polo que a cidadanía poderá facernos chegar as súas achegas, ademais dun cuestionario específico enfocado no Plan de Acción da Axenda Urbana de Lalín, que recollerá as accións e proxectos que nos permitirán avanzar de aquí a 2030.
Ademais, axudaranos a obter financiamento doutras administracións para impulsar o desenvolvemento de Lalín. Ao final do camiño esperamos construír un municipio activo e cheo de vida, no privilexiado marco natural e paisaxístico que gozamos.
O NOVO LALÍN
Os obxectivos estratéxicos son:
OE1
Ordenar o territorio e facer un uso racional do chan, conservalo e protexelo
OE2
Evitar a dispersión urbana e revitalizar a cidade existente
OE3
Prever e reducir os impactos do cambio climático e mellorar a resiliencia
OE4
Facer unha xestión sostible dos recursos e favorecer a economía circular
OE5
Favorecer a proximidade e a mobilidade sostible
OE6
Fomentar a cohesión social e buscar a equidade
OE7
Impulsar e favorecer a economía urbana
OE8
Garantir o acceso á vivenda
OE9
Liderar e fomentar a innovación dixital
OE10
Fases do proxecto
A Axenda Urbana de Lalín desenvólvese en catro fases sucesivas, de acordo coa metodoloxía que propón a Axenda Urbana Española.
01
Diagnóstico estratéxicoEsta primeira fase desenvolve un documento de Diagnóstico Estratéxico que recolle o punto de partida de Lalín respecto dos obxectivos estratéxicos que expón a Axenda Urbana Española.
03
Plan de AccionNesta fase defínense as ideas, accións e proxectos que quedasen recollidos no Plan de Acción da Axenda Urbana de Lalín. Estas terán distinto grao de concreción, dado que o Plan de Acción debe ser un documento vivo, integrando desde proxectos moi avanzados en canto á súa definición ou execución, até propostas menos definidas pero que poden ser oportunidades de futuro.
04
Sistema de seguimento e avaliaciónInformes do proxecto
Consulta os informes de participación cidadana, e o plán de comunicación.
Actualidade:
A Deputación de Pontevedra e a Xunta presentaron onte en Lalín os plans deaxudas para colectivos veciñais.
O presidente da Deputación Luis López, o deputado provincial de Acción Comunitaria Javier Tourís, e a directora xeral...
A Deputación organiza encontros coas entidades beneficiarias dos programas de acción.
A Deputación organiza encontros coas entidades beneficiarias dos programas de acción comunitaria en Lalín, un dos...
Ramallo anima aos concellos pequenos a captar fondos a través da Deputación.
A deputada lembrou que a institución provincial desenvolve a súa propia axenda urbana e rural, Casares propuxo ao...
Ecología, peatonilaciones y vertebración del territorio, los deberes de los niños del gobierno.
Espazos verdes, menos coches e máis bicicletas ou un transporte de conexión co rural son algunhas das propostas dos...
AActividades enmarcadas no proxecto da Axenda Urbana do Concello de Lalín
Con motivo da celebración do período vacacional de Semana Santa no servizo Concilia Lalín, decidiuse programar e levar...
Quedou constituída a Comisión de Seguimento da Axenda Urbana
Quedou constituída a Comisión de Seguimento da Axenda Urbana, dando cumprimento ao acordo plenario do 24/11/23 no que...
Financiamento:
NEXT Generation UE
NextGenerationEU é máis que un plan de recuperación: é una oportunidade única de saír reforzados da pandemia, transformar as nosas economías e sociedades, e deseñar unha Europa que funcione para todos.
O 21 de xullo de 2020, o Consello Europeo acordou un instrumento excepcional de recuperación temporal por un importe de 750.000 millóns de euros. O Fondo de Recuperación garante unha resposta europea coordinada cos Estados Membros para facer fronte ás consecuencias económicas e sociais da pandemia.
Mecanismo para a Recuperación e a Resiliencia
O Mecanismo para a Recuperación e a Resiliencia (MRR) constitúe o núcleo do Fondo de Recuperación e está dotado con 672.500 millóns de euros, dos cales 360.000 millóns destinaranse a préstamos e 312.500 millóns de euros constituiranse como transferencias non reembolsables.
A súa finalidade é apoiar o investimento e as reformas nos Estados Membros para lograr unha recuperación sustentable e resiliente, á vez que se promoven as prioridades ecolóxicas e dixitais da UE.
Axenda Urbana Española
A Axenda Urbana Española, tomada en consideración polo Consello de Ministros o 22 de febreiro de 2019, é a folla de ruta que vai marcar a estratexia e as accións a levar a cabo até 2030, para facer dos nosos pobos e cidades ámbitos de convivencia amables, acolledores, saudables e concienciados.
Constitúe ferramentas para que todos os actores, públicos e privados, que interveñen nas cidades e que buscan un desenvolvemento equitativo, xusto e sustentable desde os seus distintos campos de actuación, poidan elaborar os seus propios Plans de Acción.
