O Concello impulsa a elaboración da Axenda Urbana de Lalín, no marco da Axenda Urbana Española, como proxecto piloto do Ministerio de Transportes, Mobilidade e Axenda Urbana, co obxectivo de converter ao noso concello nun referente para outros municipios de características similares en todo o país.
A Axenda Urbana Española é a referencia que inspira as accións a desenvolver, para que sexan coherentes e sustentables, de acordo cos criterios establecidos na Axenda 2030 de Desenvolvemento Sustentable, na Nova Axenda Urbana de Nacións Unidas e na Axenda Urbana para a Unión Europea.
Para construír o futuro de Lalín que todas e todos queremos, é fundamental a colaboración e implicación da cidadanía. Para iso, habilitamos unha canle de contacto constante polo que a cidadanía poderá facernos chegar as súas achegas, ademais dun cuestionario específico enfocado no Plan de Acción da Axenda Urbana de Lalín, que recollerá as accións e proxectos que nos permitirán avanzar de aquí a 2030.
Ademais, axudaranos a obter financiamento doutras administracións para impulsar o desenvolvemento de Lalín. Ao final do camiño esperamos construír un municipio activo e cheo de vida, no privilexiado marco natural e paisaxístico que gozamos.
Ordenar o territorio e facer un uso racional do chan, conservalo e protexelo
Evitar a dispersión urbana e revitalizar a cidade existente
Prever e reducir os impactos do cambio climático e mellorar a resiliencia
Facer unha xestión sostible dos recursos e favorecer a economía circular
Favorecer a proximidade e a mobilidade sostible
Fomentar a cohesión social e buscar a equidade
Impulsar e favorecer a economía urbana
Garantir o acceso á vivenda
Liderar e fomentar a innovación dixital
Mellorar os instrumentos de intervención e o goberno
Nesta fase defínense as ideas, accións e proxectos que quedasen recollidos no Plan de Acción da Axenda Urbana de Lalín. Estas terán distinto grao de concreción, dado que o Plan de Acción debe ser un documento vivo, integrando desde proxectos moi avanzados en canto á súa definición ou execución, até propostas menos definidas pero que poden ser oportunidades de futuro.
O Plan de Acción de Lalín debe ser capaz de adaptarse ás novas circunstancias que poida deparar o futuro. Un Sistema de Seguimento e Avaliación baseado en indicadores permiten medir o grao de execución do Plan de Acción e facilita a adopción de medidas correctivas, en caso de ser necesarias.
Esta primeira fase desenvolve un documento de Diagnóstico Estratéxico que recolle o punto de partida de Lalín respecto dos obxectivos estratéxicos que expón a Axenda Urbana Española.
Tomando como referencia os obxectivos estratéxicos da Axenda Urbana Española, Lalín establece os seus propios retos e obxectivos prioritarios coa pretensión de sentar as bases do desenvolvemento futuro e da transformación do municipio con horizonte 2030.
A deputada lembrou que a institución provincial desenvolve a súa propia axenda urbana e rural, Casares propuxo ao Concello incorporar os criterios da Nova Bauhaus Europea.
Espazos verdes, menos coches e máis bicicletas ou un transporte de conexión co rural son algunhas das propostas dos escolares para o futuro inmediato.
Más de 200 alumnos de 5º e 6º participaron na Axenda Urbana e presentarán as súas propostas en marzo ás visitas aos estudantes de ESO desenvolveranse en febreiro.
Más de 200 alumnos de
El Ayuntamiento diseña su Agenda Urbana con el ojo puesto en el 2030 y en los Objetivos de Desenvolvimiento Sostenible de la ONU y de la UE
Arranca una acción divul
NEXT Generation UE
NextGenerationEU é máis que un plan de recuperación: é una oportunidade única de saír reforzados da pandemia, transformar as nosas economías e sociedades, e deseñar unha Europa que funcione para todos.
O 21 de xullo de 2020, o Consello Europeo acordou un instrumento excepcional de recuperación temporal por un importe de 750.000 millóns de euros. O Fondo de Recuperación garante unha resposta europea coordinada cos Estados Membros para facer fronte ás consecuencias económicas e sociais da pandemia.
Mecanismo para a Recuperación e a Resiliencia
O Mecanismo para a Recuperación e a Resiliencia (MRR) constitúe o núcleo do Fondo de Recuperación e está dotado con 672.500 millóns de euros, dos cales 360.000 millóns destinaranse a préstamos e 312.500 millóns de euros constituiranse como transferencias non reembolsables.
A súa finalidade é apoiar o investimento e as reformas nos Estados Membros para lograr unha recuperación sustentable e resiliente, á vez que se promoven as prioridades ecolóxicas e dixitais da UE.
Axenda Urbana Española
A Axenda Urbana Española, tomada en consideración polo Consello de Ministros o 22 de febreiro de 2019, é a folla de ruta que vai marcar a estratexia e as accións a levar a cabo até 2030, para facer dos nosos pobos e cidades ámbitos de convivencia amables, acolledores, saudables e concienciados.
Constitúe ferramentas para que todos os actores, públicos e privados, que interveñen nas cidades e que buscan un desenvolvemento equitativo, xusto e sustentable desde os seus distintos campos de actuación, poidan elaborar os seus propios Plans de Acción.
